Аз 30 июни соли 2025, тартиби нави ворид шудан ба Федератсияи Русия мавриди амал қарор мегирад.

📌 Хабари муҳим: Қоидаҳои вуруд ба Русия барои шаҳрвандони кишварҳои бидуни раводид, аз ҷумла Узбакистон, тағйир меёбанд. Аз 30 июн сабти ном дар барномаи махсуси RuID ҳатмӣ хоҳад буд. Ин тартиб барои осон кардани иқомат ва фаъолияти меҳнатӣ дар Русия пешбинӣ шудааст. Илова бар ин, ҳангоми убури марз QR-код талаб карда мешавад.

Чӣ гуна QR-код гирифта мешавад?

1️⃣ Аризаро тавассути замимаи мобилии «Госуслуги RuID» бояд онлайн пешниҳод кунед.
• Ариза бояд на дертар аз 72 соат пеш аз вуруд ба Русия пешниҳод шавад.
• Дар ҳолатҳои изтирорӣ (масалан, беморӣ ё вафоти хешованди наздик) — ариза метавонад то 4 соат пеш аз сафар пешниҳод гардад.

2️⃣ Баъд аз санҷиши маълумотҳо, ба шумо QR-код дода мешавад, ки ҳангоми гузаштан аз нуқтаи марзӣ бояд нишон дода шавад.
• Код барои 90 рӯз амал мекунад. Агар дар ин муддат ба Русия ворид нашавед, лозим аст QR-коди нав бигиред.
• Ҳангоми вуруд маълумоти биометрӣ гирифта мешавад (акс ва изи ангуштҳо).

Ин қоида ба шаҳрвандони кишварҳои бераводид дахл дорад, аз ҷумла: Тоҷикистон, Ӯзбекистон ва Қирғизистон. Замимаи RuID инчунин ҳамчун ҳуҷҷати электронии шахсӣ хизмат мекунад ва маълумоти зеринро дар бар мегирад:

• маълумоти биометрӣ (акс ва изи ангуштҳо),
• иҷозатномаи кор,
• муҳлати иқомат,
• суроғаи қайди муваққатӣ ва дигар маълумотҳо.

Агар ин маълумот барои шумо муфид буд — онро ба дӯстону наздиконатон фиристед ✈️